alterum illud quod dixi, quemadmodum simile [ex]<s>pectari 8.42.1
oporteret, ignorare apparet ex eorum praecepto, quod dicunt, cum
transierit e nominandi casibus in eos quos appellant vocandi, tum
denique posse dici rectos esse similis aut dissimilis: esset enim ut si
quis, Menaechmos geminos cum videat, dicat non posse iudicare similesne 5
sint, nisi qui ex his sint nati considerarit num discrepent inter se.
ni[c]hil, inquam, quo magis minusve sit simile quod conferas cum 43.1
altero, ad iudicandum extrinsecus oportet sumi. quare cum ignor[ar]ent,
quemadmodum similitudo debeat sumi, de analogia dicere non possunt.
haec apertius dixissem, nisi brevius eo nunc mallem, quod infra
sunt planius usurpanda. quare quod ad universam 5
naturam verborum attinet, haec attigisse modo satis est.
  quod ad partis singulas orationis, deinceps dicam. quoius 44.1
quoniam sunt divisiones plures, nunc ponam potissimum eam qua
dividitur oratio secundum naturam in quattuor partis: in eam quae
habet casus et quae habet <tempora et quae habet> neutrum et in
qua est utrumque. has vocant quidam appellandi, dicendi, adminicu- 5
landi, iungendi. appellandi dicitur ut homo et Nestor, dicendi ut scribo
et lego, iungendi ut que, adminiculandi ut docte et commode. ap- 45.1
pellandi partes sunt quattuor, e quis dicta a quibusdam provocabula
qu<a>e sunt ut quis, qu<a>e; <vocabula> ut scutum, [ut] gladium;
nomina ut Romulus, Remus; pronomina ut hic, h<a>ec. duo media
dicuntur nominatus; prima et extrema articuli. primum genus est in- 5
finitum, secundum ut infinitum, tertium ut effinitum, quartum finitum.
haec singulatim triplicia esse debent quod sexum, multitudinem, ca- 46.1
sum: sexum, utrum virile an muliebre an neutrum sit, ut doctus docta
doctum; multitudinem, unum an plura significet, ut hic, hi, h<a>ec;
casum, utrum recto sit, ut Marcus, an obliquo, ut Marco, an com<m>uni,
ut Iovis. 5