Sed ut haec neque genere uiti neque ratione curationis 7.7.1a.1
inter se multum distant, sic in oculis, quae manum postulant, et ipsa
diuersa sunt et aliter aliterque curantur. Igitur in superioribus pal-
pebris uesicae nasci solent pingues graues<que,> quae uix attollere
oculos sinunt, leuesque pituitae cursus sed adsiduos in oculis mouent: 5
fere uero in pueris nascuntur.—Oportet conpresso digitis duobus 1b.1
oculo atque ita cute intenta scalpello transuersam lineam incidere,
suspensa leuiter manu, ne uesica ipsa uulneretur; u<b>i locus ei pate-
factus est, ipsa prorumpit. Tum digitis ea<m> adprehendere oportet
et euellere; facile autem sequitur. Dein superinungui collyrio debet 5
ex is aliquo, quo lippientes oculi superinunguntur; paucissimisque
diebus cicatricula inducitur. Molestius est, ubi incisa uesica est: ef-
fundit enim umorem, neque postea, quia tenuis admodum est, potest
colligi. Si forte id incidit, eorum aliquid inponendum est, quae puri
mouendo sunt. 10