| Ad tormina[m] et omnem alui proluuiem uinum roratum | |
| sic facies | |
| Mustum tortiuum est, quod post primam pressuram uinaceorum | 12.36.1.1 |
| circumciso pede exprimitur. idque mustum coicies in amphoram | |
| nouam et inplebis ad summum. tum adicies ramulos roris marini | |
| aridi lino colligatos; sed patieris una deferuescere per dies septem. | |
| deinde eximes ramulorum fasciculum, et purgatum diligenter uinum | 5 |
| gypsabis. sat erit autem roris marini sesquilibram in duas urnas | |
| musti adicere. hoc uino post duos menses possis pro remedio uti. |