Quo modo areaturae fieri debeant
  Quod si falcibus seges cum parte culmi demessa sit, 2.20.3.5
protinus in aceruum uel in nubilar congeritur et subinde
opportunius solibus torrefacta proteritur. sin autem spicae 4.1
tantum modo recisae sunt, possunt in horreum conferri et
deinde per hiemem uel baculis excuti uel exteri pecudibus.
at si conpetit, ut in area teratur frumentum, nihil dubium
est, quin equis melius quam bubus ea res conficiatur et, 5
si pauca iuga sunt, adicere tribulam et traheam possis, quae
res utraque culmos facillime conminuit. ipsae autem spicae
melius fustibus tunduntur uannisque expurgantur, at ubi 5.1
paleis inmixta sunt frumenta, uento separantur. ad eam
rem Fauonius habetur eximius, qui leuis aequalisque aestiuis
mensibus perflat; quem tamen opperiri lenti est agricolae,
quia saepe, dum expectatur, saeua nos hiems deprendit. 5
itaque in area detrita frumenta sic sunt aggeranda, ut
omni flatu possint excerni. at si conpluribus diebus undi-
que silebit aura, uannis expurgentur, ne post nimiam uento-
rum segnitiem uasta tempestas inritum faciat totius anni
laborem. pura deinde frumenta, si in annos reconduntur, 6.1
reteri debent, nam quanto sunt expolitiora, minus a cur-
culionibus exeduntur; sin protinus usui destinantur, nihil
adtinet repoliri, satisque est in umbra refrigerari et ita
granario inferri. leguminum quoque non alia cura est 5
quam reliquorum frumentorum, nam ea quoque uel *** con-
duntur. atque hoc supremum est aratoris emolumentum
percipiendorum seminum, quae terrae crediderit.