Quae per ferias liceat agricolis et quae non liceat facere
  Sed cum tam otii quam negotii rationem reddere 2.21.1.1
maiores nostri censuerunt, nos quoque monendos esse agri-
colas existimamus, quae feriis facere quaeque non facere
debeant. sunt enim, ut ait poeta, quae
      festis exercere diebus 5
    fas et iura sinunt: riuos deducere nulla
    religio uetuit, segeti praetendere saepem,
    insidias auibus moliri, incendere uepres
    balantumque gregem fluuio mersare salubri.
quamquam pontifices negant segetem feriis saepiri debere; 2.1
uetant quoque lanarum causa lauari oues nisi si propter
medicinam. Vergilius, quod liceat feriis flumine abluere
gregem, praecipit et idcirco adicit fluuio mersare salubri,
id est salutari; sunt enim uitia, quorum causa pecus utile 5
sit lauare. feriis autem ritus maiorum etiam illa permittit: 3.1
far pinsire, faces incidere, candelas sebare, uineam con-
ductam colere, piscinas, lacus, fossas ueteres tergere et
purgare, prata sicilire, stercora aequare, faenum in tabu-
lata conponere, fructus oliueti conductos cogere, mala, pira, 5
ficos pandere, caseum facere, arbores serendi causa collo
uel mulo clitellario adferre; sed iuncto aduehere non per-
mittitur nec adportata serere neque terram aperire neque
arborem conlucare, sed ne sementem quidem administrare, 4.1
nisi prius catulo feceris, nec faenum secare aut uincire
aut uehere. ac ne uindemiam quidem cogi per religiones
pontificum feriis licet nec ouis tondere, nisi si catulo fece-
ris. defrutum quoque facere et uinum defrutare licet. uuas 5
itemque oliuas conditu legere licet. pellibus oues uestiri
non licet. in horto quicquid holerum causa facias, omne
licet. feriis publicis hominem mortuum sepeliri non licet.
M. Porcius Cato mulis, equis, asinis nullas esse ferias ait, 5.1
idemque boues permittit coniungere lignorum et frumento-
rum aduehendorum causa. nos apud pontifices legimus
fereis tantum denicalibus mulos iungere non licere, ceteris
licere. hoc loco certum habeo quosdam, cum solemnia 5
festorum percensuerim, desideraturos lustrationum cetero-
rumque sacrificiorum, quae pro frugibus fiunt, morem pri-
scis usurpatum. nec ego abnuo docendi curam sed differo 6.1
in eum librum, quem conponere in animo est, cum agri-
colationis totam disciplinam praescripsero. finem interim
praesentis disputationis faciam dicturus exordio sequente,
quae de uineis arbustisque prodidere ueteres auctores 5
quaeque ipse mox conperi.