Castanieti satio
  Castanea roboribus proxima est et ideo stabiliendis uineis 4.33.1.1
habilis. tum in repastinato nux posita celeriter emicat et post quin-
quennium caesa more salicis recreatur atque in palum formata fere
usque in alteram caesionem perennat. ea pullam terram et resolu-
tam desiderat, sabulonem umidum uel refractum tofum non respuit, 5
opaco et septentrionali cliuo laetatur, spissum solum et rubricosum
reformidat.
seritur ab Nouembri mense per totam hiemem 2.1
sicca terra et repastinata in altitudinem dupundii et semissis. nuces
in ordine semipedalibus, ordines autem quinum pedum spatiis
dirimuntur. in altitudinem dodrantis castanea depressis sulcis
committitur; qui ubi nucibus sunt consiti, priusquam conplanentur 5
breues harundines ab latere castanearum panguntur, ut per hos
sationis indices tutius fodi et runcari possint.
  Simulatque semina stillauerint et iam bima transferri queunt, 3.1
interuelluntur ac bini pedes arbusculis uacui relinquuntur, ne
densitas plantas emaciet. spissius autem propter uarios casus depo-
nitur: nam interdum, priusquam enascatur, aut siccitatibus nux
inarescit aut aquarum abundantia putrescit, interdum subterraneis 5
animalibus, sicuti muribus et talpis, infestatur, propter quae saepe
nouella castanieta caluescunt. atque ubi frequentanda sunt, melius
ex uicino, si conpetit, mergi more pertica declinata propagatur
quam exempta reseritur.
haec enim uelut inmota sua sede 4.1
uehementer germinat; at quae radicitus exempta et deposita est,
biennio reformidat; propter quod compertum est commodius
nucibus quam uiuiradicibus eiusmodi siluas institui. spatia huiusce
sationis, quae suprascripta sunt, capita castanearum recipiunt 5
numero mmdccclxxx; cuius summae, sicut ait Atticus, ex facili
iugera singula praebebunt statuminum duodena milia. etenim
taleae propius stirpem recisae quadrifidas plerumque, ac deinde
secundae taleae eiusdem arboris bifidas ridicas subministrant, quod
genus fissilis adminiculi manet diutius quam teres palus. 10
cultus 5.1
idem est positionis qui uineae. supputari debet bima, quin etiam
trima. nam bis ferro repetenda est uerni principio, ut incitetur eius
proceritas.
  Potest etiam quercus simili ratione seri, uerum biennio tardius 5
quam castanea deciditur, propter quod ratio postulat tempus potius
lucrari, nisi dumosi glareosique montes atque ea genera terrae,
quae supra diximus, glandem magis quam castaneam postulabunt.
  Haec de uineis Italicis uinearumque instrumentis quantum 6.1
reor non inutiliter et abunde disserui, mox agricolarum prouincia-
lium uineaticos nec minus nostratis et Gallici arbusti cultus tradi-
turus.