| Vitia boum et medicinae | |
| Sed non proderit cibo satiari pecora, nisi omnis adhibetur | 6.4.1.1 |
| diligentia, ut salubri sint corpore uiresque conseruent, quae | |
| utraque custodiuntur large dato per triduum medicamento, | |
| quod conponitur pari pondere tritis capparis foliis ac mirti | |
| siluestris cupressique et cum aqua nocte una sub dio habetur, | 5 |
| idque quater anno fieri debet ultimis temporibus ueris, aesta- | |
| tis, autumni, hiemis. saepe etiam languor ac nausea discutitur, | 2.1 |
| si integrum gallinaceum crudum ouum ieiuni faucibus inseras | |
| ac postero die spicas ulpici uel alii cum uino conteras et nari- | |
| bus infundas. neque haec tantum remedia salubritatem faci- | |
| unt: multi largo sale miscent pabula, quidam marrubium de- | 5 |
| terunt cum oleo et uino, quidam porri fibras, alii grana turis, | |
| alii Sabinam herbam rutamque pinsitam mero diluunt eaque | |
| medicamina potanda praebent, multi caulibus uitis albae et | 3.1 |
| ualuulis albis bubus medentur, non nulli pellem serpentis | |
| obtritam cum uino miscent. est etiam remedio cum dulci uino | |
| tritum serpullum, est concisa et in aqua macerata scilla. quae | |
| omnes praedictae potiones trium heminarum singulis diebus | 5 |
| per triduum datae aluom purgant depulsisque uitiis recreant | |
| uires. maxime tamen habetur salutaris amurga, si tantundem | 4.1 |
| aquae misceas et ea pecus insuescat; quae protinus dari non | |
| potest, sed primo cibi adsperguntur, deinde exigua portione | |
| medicatur aqua, mox pari mensura mixta datur ad satietatem. | |
| Nullo autem tempore et minime aestate utilius est boues | 5.1.1 |
| in cursum concitari, nam ea res aut aluum mouet aut frequen- | |
| ter febrem. cauendum quoque est, ne ad praesepia sus aut | |
| gallina perrepat, nam haec quod desidet inmixtum pabulo | |
| bubus adfert necem. | 5 |
| Sus aegra pestilentiam facere ualet. quae cum in gregem | |
| incidit, confestim mutandus est status caeli et mutanda regio | |
| est, et in pluris partis distributo pecore longinquae regiones | |
| petendae sunt, atque ita segregandi sanis morbidi, ne quis in- | |
| terueniat, qui contagione ceteros labefactet. itaque cum able- | 2.1 |
| gabuntur, in ea loca perducendi erunt, quibus nullum inpasci- | |
| tur pecus, ne aduentu suo etiam illi tabem adferant. euincendi | |
| sunt autem quamuis pestiferi morbi et exquisitis remediis | |
| propulsandi. tunc panacis et erungii radices faeniculi semini- | 5 |
| bus miscendae et cum fricti ac moliti tritici farina candenti | |
| aqua conspargendae, eoque medicamine saliuandum aegrotum | |
| pecus. tum paribus casiae murraeque et turis ponderibus ac | 3.1 |
| tantundem sanguinis marinae testudinis miscetur potio cum | |
| uini ueteris sextariis tribus et ita per nares infunditur. sed | |
| ipsum medicamentum ponderis sescunciae diuisum portione | |
| aequa per triduum cum uino dedisse sat erit. praesens etiam | 5 |
| remedium cognouimus radiculae, quam pastores consiliginem | |
| uocant; ea Marsis montibus plurima nascitur omnique pecori | |
| maxime est salutaris. laeua manu effoditur ante solis ortum; | |
| sic enim lecta maiorem uim creditur habere. usus eius tradi- | 4.1 |
| tur talis: aenea fibula pars auriculae latissima circumscribitur, | |
| ita ut manante sanguine tamquam O litterae ductus appareat. | |
| hoc et intrinsecus et ex superiore parte auriculae cum factum | |
| est, media pars descripti orbiculi eadem fibula transuitur et | 5 |
| facto foramini praedicta radicula inseritur; quam cum recens | |
| plaga conprehendit, ita continet, ut elabi non possit. in eam | |
| deinde auriculam omnis uis morbi pestilensque uirus elicitur, | |
| donec ea pars, quae fibula circumscripta est, demortua excidat | |
| et minimae partis iactura caput conseruetur. Cornelius Celsus | 5.1 |
| etiam uisci folia cum uino trita per nares infundere iubet; haec | |
| facienda, si gregatim pecora laborant, illa deinceps, si singula. |