| Deltoton. Hoc sidus quod ut littera est Graeca | 2.19.1.1 |
| in triangulo posita, ita appellatur. Quod Mercurius | |
| supra caput Arietis statuisse existimatur ideo ut | |
| obscuritas Arietis huius splendore, quo loco esset, | |
| significaretur, et Iouis nomine Graece Διός primam | 5 |
| litteram deformaret. Nonnulli Aegypti positionem, | |
| alii qua Nilus terminaret Aethiopiam et Aegyptum | |
| dixerunt. Alii Siciliam figuratam putauerunt; alii, | |
| quod orbem terrarum superiores trifariam diuiserunt, | |
| tres angulos esse constitutos dixerunt. | 10 |