Hyginus Astronomus, Astronomica 2.29.1.1

Aquarius. Hunc complures Ganymedem esse	2.29.1.1
dixerunt, quem Iuppiter propter pulchritudinem
corporis ereptum parentibus, deorum ministrum
fecisse existimatur. Itaque ostenditur ut aquam ali-
quo infundens. Hegesianax autem Deucalion<a> dicit	5
esse, quod eo regnante tanta uis aquae se de caelo pro-
fuderit, ut cataclysmus factus esse diceretur. Eubu-
lus autem Cecropem demonstrat esse, antiquitatem
generis commemorans et ostendens, antequam uinum
traditum sit hominibus, aqua in sacrificiis deorum	10
usos esse, et ante Cecropem regnasse quam uinum sit
inuentum.