Hyginus Astronomus, Astronomica 3.7.1.1

Olor. Huius una ala est ad circumductionem	3.7.1.1
huius circuli qui arcticus uocatur, contingens extre-
mum pedem sinistrum eius qui Engonasin uocatur.
Sinistram autem alam habet paululum extra circulum
aestiuum, paene coniungens pedibus Pegasi. Aes-	5
tiuus autem circulus rostrum eius a reliquo corpore
diuidit. Cauda iungitur extrema cum capite Cephei.
Hic cum Virgine et Chelis exorientibus occidens,
prius capite quam reliquis membris deuenit ad ter-
ram, exoritur autem cum Capricorno. Hic habet in	10
capite stellam clare lucentem unam, in collo alteram
pari fulgore, in utrisque pennis quinas, supra caudam
unam. Omnino habet stellas tredecim.