| Heniochus autem circulo aestiuo genuum | 3.12.1.1 |
| fine, praeterea ab humero sinistro usque ad zonam | |
| diuiditur ab eo quem supra lacteum orbem diximus. | |
| Huius dexter pes Tauri sinistro cornu stella coniun- | |
| gitur una; manibus ut lora tenens figuratur. Cuius | 5 |
| in humero sinistro Capra, in manu autem duo Haedi | |
| duabus stellis formati dicuntur. Totus autem pedibus | |
| Persei subiectus, caput habens contra Vrsae maioris | |
| aspectum. Hic occidere Sagittarii et Capricorni exortu | |
| uidetur, exoriri autem Ophiucho et Engonasin <oc- | 10 |
| cidentibus>. Habet praeterea in capite stellam unam, | |
| in utroque humero unam, sed in sinistro clariorem, | |
| quae Capra uocatur; in utroque cubito unam; in | |
| manu duas, quae Haedi appellantur, stellis prope | |
| occidentibus ficti. | 15 |