| his orationibus incitata plebs denis milibus aeris grauis | 5.12.1.1 |
| reos condemnat, nequiquam Sergio Martem communem | |
| belli fortunamque accusante, Uerginio deprecante ne infeli- | |
| cior domi quam militiae esset. in hos uersa ira populi | 2.1 |
| cooptationis tribunorum fraudisque contra legem Treboniam | |
| factae memoriam obscuram fecit. | |
| uictores tribuni ut praesentem mercedem iudicii plebes | 3.1 |
| haberet legem agrariam promulgant, tributumque conferri | |
| prohibent, cum tot exercitibus stipendio opus esset resque | 4.1 |
| militia ita prospere gererentur ut nullo bello ueniretur ad | |
| exitum spei. namque Ueiis castra quae amissa erant reci- | |
| perata castellis praesidiisque firmantur; praeerant tribuni | |
| militum M'. Aemilius et K. Fabius. a M. Furio in Faliscis, | 5.1 |
| a Cn. Cornelio in Capenate agro hostes nulli extra moenia | |
| inuenti; praedae actae incendiisque uillarum ac frugum | |
| uastati fines; oppida oppugnata nec obsessa sunt. at in | 6.1 |
| Uolscis depopulato agro Anxur nequiquam oppugnatum, | |
| loco alto situm et postquam uis inrita erat uallo fossaque | |
| obsideri coeptum; Ualerio Potito Uolsci prouincia euenerat. | |
| hoc statu militarium rerum, seditio intestina maiore mole | 7.1 |
| coorta quam bella tractabantur; et cum tributum conferri | |
| per tribunos non posset nec stipendium imperatoribus mit- | |
| teretur aeraque militaria flagitaret miles, haud procul erat | |
| quin castra quoque urbanae seditionis contagione turbaren- | 5 |
| tur. inter has iras plebis in patres cum tribuni plebi nunc | 8.1 |
| illud tempus esse dicerent stabiliendae libertatis et ab Sergiis | |
| Uerginiisque ad plebeios uiros fortes ac strenuos transferendi | |
| summi honoris, non tamen ultra processum est quam ut unus | 9.1 |
| ex plebe, usurpandi iuris causa, P. Licinius Caluus tribunus | |
| militum consulari potestate crearetur: ceteri patricii creati, | 10.1 |
| P. Manilius L. Titinius P. Maelius L. Furius Medullinus | |
| L. Publilius Uolscus. ipsa plebes mirabatur se tantam rem | 11.1 |
| obtinuisse, non is modo qui creatus erat, uir nullis ante | |
| honoribus usus, uetus tantum senator et aetate iam grauis; | |
| nec satis constat cur primus ac potissimus ad nouum deli- | 12.1 |
| bandum honorem sit habitus. alii Cn. Corneli fratris, qui | |
| tribunus militum priore anno fuerat triplexque stipendium | |
| equitibus dederat, gratia extractum ad tantum honorem | |
| credunt, alii orationem ipsum tempestiuam de concordia | 5 |
| ordinum patribus plebique gratam habuisse. hac uictoria | 13.1 |
| comitiorum exsultantes tribuni plebis quod maxime rem | |
| publicam impediebat de tributo remiserunt. conlatum | |
| oboedienter missumque ad exercitum est. |