| dum Eumolpus cum Bargate in secreto loquitur, | 97.1.1 |
| intrat stabulum praeco cum servo publico aliaque sane | |
| <non> modica frequentia, facemque fumosam magis | |
| quam lucidam quassans haec proclamavit: 'puer in | 2.1 |
| balneo paulo ante aberravit, annorum circa XVI, cris- | |
| pus, mollis, formosus, nomine Giton. si quis eum | |
| reddere aut commonstrare voluerit, accipiet nummos | |
| mille.' nec longe a praecone Ascyltos stabat amictus | 3.1 |
| discoloria veste atque in lance argentea indicium et | |
| fidem praeferebat. imperavi Gitoni ut raptim graba- | 4.1 |
| tum subiret annecteretque pedes et manus institis, | |
| quibus sponda culcitam ferebat, ac sic ut olim Ulixes | |
| †pro† arieti adhaesisset, extentus infra grabatum scru- | |
| tantium eluderet manus. non est moratus Giton impe- | 5.1 |
| rium momentoque temporis inseruit vinculo manus et | |
| Ulixem astu simillimo vicit. ego ne suspicioni relin- | 6.1 |
| querem locum, lectulum vestimentis implevi uniusque | |
| hominis vestigium ad corporis mei mensuram figu- | |
| ravi. | |
| interim Ascyltos ut pererravit omnes cum viatore | 7.1 |
| cellas, venit ad meam, et hoc quidem pleniorem spem | |
| concepit quo diligentius oppessulatas invenit fores. | |
| publicus vero servus insertans commissuris securem | 8.1 |
| claustrorum [in]firmitatem laxavit. ego ad genua | 9.1 |
| Ascylti procubui et per memoriam amicitiae perque | |
| societatem miseriarum petii ut saltem ostenderet fra- | |
| trem. immo ut fidem haberent fictae preces, 'scio te' | |
| inquam 'Ascylte, ad occidendum me venisse. quo | 5 |
| enim secures attulisti? itaque satia iracundiam tuam: | |
| praebeo ecce cervicem, funde sanguinem, quem sub | |
| praetextu quaestionis petisti.' amolitur Ascyltos invi- | 10.1 |
| diam et se vero nihil aliud quam fugitivum suum dixit | |
| quaerere, nec mortem hominis concupisse [nec] sup- | |
| plicis, utique eius quem <etiam> post fatalem rixam | |
| habuisset carissimum. at non servus publicus tam lan- | 98.1.1 |
| guide agit, sed raptam cauponi harundinem subter | |
| lectum mittit omniaque etiam foramina parietum | |
| scrutatur. subducebat Giton ab ictu corpus et retento | |
| timidissime spiritu ipsos sciniphes ore tangebat . . . | 5 |