| inhorrui ego tam fabulosa pollicitatione conterritus, | 135.1.1 |
| anumque inspicere diligentius coepi . . . | |
| 'ergo' exclamat Oenothea 'imperio parete' . . . | 2.1 |
| detersisque curiose manibus inclinavit se in lectulum | |
| ac me semel iterumque basiavit . . . | |
| Oenothea mensam veterem posuit in medio altari, | 3.1 |
| quam vivis implevit carbonibus, et camellam [et]iam | |
| vetustate ruptam pice temperata refecit. tum clavum, | 4.1 |
| qui detrahentem secutus cum camella lignea fuerat, | |
| fumoso parieti reddidit. mox incincta quadrato pallio | |
| cucumam ingentem foco apposuit, simulque pannum | |
| de carnario detulit furca, in quo faba erat ad usum | 5 |
| reposita et sincipitis vetustissima particula mille pla- | |
| gis dolata. ut solvit ergo licio pannum, partem legu- | 5.1 |
| minis super mensam effudit iussitque me diligenter | |
| purgare. servio ego imperio granaque sordidissimis | |
| putaminibus vestita curiosa manu segrego. at illa iner- | 6.1 |
| tiam meam accusans ipsa fabas tollit, dentibusque fol- | |
| liculos pariter spoliat atque in terram veluti muscarum | |
| imagines despuit * | |
| mirabar equidem paupertatis ingenium singularum- | 7.1 |
| que rerum quasdam artes: | |
| non Indum fulgebat ebur, quod inhaeserat auro, | 8.1 |
| nec iam calcato radiabat marmore terra | |
| muneribus delusa suis, sed crate saligna | |
| impositum Cereris vacuae nemus et nova terrae . . . | |
| pocula, quae facili vilis rota finxerat actu. | 5 |
| hinc mollis tiliae lacus et de caudice lento | |
| vimineae lances maculataque testa Lyaeo. | |
| at paries circa palea satiatus inani | |
| fortuitoque luto clavos numerabat agrestes, | |
| et viridi iunco gracilis pendebat harundo. | 10 |
| praeterea quae fumoso suspensa tigillo | |
| conservabat opes humilis casa, mitia sorba | |
| et thymbrae veteres et passis uva racemis | 14 |
| inter odoratas pendebant texta coronas . . . | 13 |
| qualis in Actaea quondam fuit hospita terra | 15 |
| digna sacris Hecale, quam Musa loquentibus annis | |
| †Bachineas veteres mirando† tradidit aevo * |