| Fiunt simul cum terrae motu et inun- | 2.200.1 |
| dationes maris, eodem videlicet spiritu infusi aut <ter>r<a>e | |
| sidentis sinu recepti. maximus terrae memoria mortalium | |
| exstitit motus Tiberii Caesaris principatu, XII urbibus Asiae | |
| una nocte prostratis; creberrimus Punico bello intra eundem | 5 |
| annum septies ac quinquagies nuntiatus Romam, quo qui- | |
| dem anno ad Trasimenum lacum dimicantes maximum | |
| motum neque Poeni sensere nec Romani. nec vero simplex | |
| malum aut in ipso tantum motu periculum est, sed par | |
| aut maius ostento. numquam urbs Roma tremuit, ut non | 10 |
| futuri eventus alicuius id praenuntium esset. |