Adiecit his Apollodorus adsectator eius herbam 24.167.1
aeschynomenen, quoniam adpropinquante manu folia con-
traheret, aliam crocida, cuius tactu phalangia morerentur,
Crateuas onothurin, cuius aspersu e vino feritas omnium
animalium mitigaretur, anacampseroten celeber arte gram- 5
matica paulo ante, cuius omnino tactu redirent amores
vel cum odio depositi. et abunde sit hactenus attigisse
insignia Magorum in herbis alia de his aptiore dicturis loco.